Fyri jól segði Jose Mourinho at Zlatan Ibrahimovic fór at leingja sáttmálan við Manchester United.
Sviin undirskrivaði ein 1-ára sáttmála við møguleikanum at hann verður longdur.
Men fyribils hevur Zlatan ikki gjørt nýggjan sáttmála.
Nú sigur Daily Mirror seg vita, at Ibrahimovic hevur gjørt greitt at næsta sesong verður hansara seinasta á toppstøði í Europa, og hana vil hann sleppa at spæla í Champions League.
Manchester United er í løtuni nummar seks í Premier League, men hevur bara tvey stig upp til Arsenal á fjórðaplássi.
Og felagið er eisini væl við í Europa League, har vinnarin fær eitt pláss í Champions League næstu sesong.
Um tú veitst okkurt, sum VP ikki veit - skriva so til vp@vp.fo