35 ára gamli Zlatan Ibrahimovic hevur enn møguleikan at gerast mest skorandi fótbóltsleikari í 2016. Skorar hann tvey mál móti Middlesbrough, kemur hann upp á 52 skoringar í álmanakkaárinum 2016, og yvirhálar Lionel Messi.
Men hvat er tað sum ger at Zlatan enn er ein maktfaktor í toppfótbólti, sjálvt um hann hevur nátt henda - í fótbóltshøpi - høga aldur?
Daily Mail hevur kannað, hví aldur ikki hevur fingið sítt tak í Zlatan Ibrahimovic.
Null alkohol, kampsportur, fokus á restitusjón og ríkiligt av reggae-tónleiki eru nakrir av ingrediensunum sum gera at Zlatan Ibrahimovic bara gerst betri og betri, og sjálvur hevur hann samanborið seg við vín.
Um tú veitst okkurt, sum VP ikki veit - skriva so til vp@vp.fo
