Ímeðan 90% av upprunabretum yvir 70 ár nú eru koppsettir er tað sama galdandi fyri minni enn 60% av tilflytarum úr Afrika.

Fjórði hvør muslimur og fimti hvør buddistur í Stórabretlandi noktar at lata seg koppseta.

Tað vísa fesk tøl frá ONS, sum er bretska hagstovan.

Tølini vátta ein varhuga, sum myndugleikarnir hava havt í nakrar vikur. Fólk úr júst teimum mest útsettu bólkunum vilja ikki koppsetast, oftani av religiøsum orsøkum.

Tey halda at alkohol og úrdráttir úr svíni eru í vaksinuni, hava anti-vaksinatións rørslurnar roynt at billa fólki inn, og eftir øllum at døma við góðum úrsliti.

- Tað er ein dupult tragedia, tí oftani eru tað júst fólk úr hesum bólkunum sum trongja mest til koppsetingina, tí tey vísa seg at blíva lættari smitta enn onnur. Eitt nú tí tey hava útsett størv ella búgva tætt saman og eru nógv í húsi. Og samstundis verður tað verri at fáa floksimunitet, tá so stórir partar av fleiri bólkum ikki vilja koppsetast, sigur Zubaida Haque sum stendur á odda fyri Sage tankasmiðjuni, sum ráðgevur myndugleikunum, við The Guardian.