Seinastu vikuna hava vanligir borgarar og listafólk lívgað um Vágsbotn við ull, árabátum, boyum og øðrum føroyskum mentanarlutum. Økið letur upp leygardagin og er liður í verkætlanini “Ein livandi mentanararvur”.
Hanus G. Johansen syngur nøkur løg, og Bárður Næs diskar. Og so fer Búi Dam at hugleiða um tann livandi mentanararvin, og hvussu Havnin er eitt stórt hús, har vit øll skulu trívast.
Øll eru vælkomin. Økið bjóðar bæði børnum og vaksnum til hugna og spæl. Sirkus selur øl, sodavatn og kaffi.
Hesi hava stuðlað verkætlanini: Tórshavnar kommuna, Faroe Ship, Mentanargrunnur Landsins og Føroya Tele. Aftrat hesum hevur Vónin stuðlað við tilfari.
Tiltakið verður í Vágsbotni leygardagin 20. august kl. 17.
Um tú veitst okkurt, sum VP ikki veit - skriva so til vp@vp.fo
