Onnur tíðindi
Tveir mans hava í dag fingið tað sum á politimáli eitur ein straksdóm fyri at hava smuglað hash til Føroya.
Menninir, sum báðir eru síðst í 30unum, komu til Føroya við flogfari í gjár, men vóru steðgaðir, tá tollararnir avdúkaðu, at teir royndu at smugla 300 gram av hashi inn í landið.
Tá menninir í dag vóru til grundlógaravhoyring fingu teir hvør sín straksdóm, sum báðir tóku við. Annar fekk 40 daga treytaleysa fongsulsrevsing, hin fekk 50. Orsøkin til at annar fekk harðari dóm var, at politiið fann ymiskt annað ólógligt heima hjá honum, eitt nú ólógligar plantur.
Báðir menninir eru føroyingar.
Um tú veitst okkurt, sum VP ikki veit - skriva so til vp@vp.fo
