Í gjár vóru tveir nýggir smittutilburðir staðfestir. Tað vísa nýggjastu tølini hjá landslæknanum.
Báðir persónar eru smittaðir í Føroyum, í eina førinum er smittukeldan ókend.
2.191 kanningar eru gjørdar seinasta døgnið. Í løtuni eru 28 persónar smittaðir við COVID-19.
Í gjár vórðu 826 fólk koppsett. 211 fólk fingu fyrra prikið og 615 fólk fingu tað seinna.
Støkk-inn kanningar vóru á øllum trimum sjúkrahúsunum í gjár, og undirtøkan var góð. Tilsamans 275 fólk stukku inn og vórðu koppsett.
Nú hava 34.869 fólk fingið fyrru koppsetingina. 29.616 fólk hava fingið seinnu koppsetingina, og eru liðugt koppsett.
Tilsamans 64.485 koppsetingar eru gjørdar í Føroyum.
Um tú veitst okkurt, sum VP ikki veit - skriva so til vp@vp.fo