Onnur tíðindi
- Tá veturin fer at halla verða tað sagt eitt sindur kyniskt trý sløg av fólkum í Týsklandi. Tey koppsettu, tey sjúku og tey deyðu. Tí mæla vit øllum til at lata seg koppseta sum skjótast, tað segði týski heilsumálaráðharrin, Jens Spahn, í dag.
Boðini koma samstundis sum týska heilsuverkið rópar varskó, tí intensiv deildirnar eru ovbyrjaðar av sjúkum koronasjúklingum sum hava tørv á andahjálp.
- Vit hava eina sera, sera álvarsliga støðu í heilsuverkinum, segði heilsumálaráðharrin.
Í dag vórðu 30.646 nýggir tilburðir skrásettir, og nú eru nærum 100.000 fólk deyð við korona.
Í Týsklandi eru um 68% av fólkunum koppsett.
Um tú veitst okkurt, sum VP ikki veit - skriva so til vp@vp.fo
