Her doyðu fólk FYRI frælsi í 1989. Nú doyggja tey AV frælsi
- føroyingur, búsitandi í Rumenia

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vágatíðindi

WWF "World Wildlife Fund" hevur boðið Vága kommunu at vera partur av veðurlagsátakinum “Earth Hour 2017".

Earth Hour er eitt afturvendandi átak, sum verður hildið á hvørjum ári, har milliónir av fólkum, virkjum, kommunum og býum kring allan knøttin sløkkja ljósið í ein tíma, fyri at seta veðurlagið í brennidepilin.

Kommunan kann vera partur av átakinum við at sløkkja m.a. gøtuljósini leygardagin tann 25. mars 2017 millum kl. 2030 og 2130 og at eggja øðrum at gera somuleiðis.

Mentunar- og Trivnaðarnevndin samtykti á fundi tann 09. mars 2017 at taka áheitanina til eftirtektar og vera við í átakinum.

Kommunan fer tí at sløkkja tey gøtuljósini, sum ráðiligt er at sløkkja, leygardagin tann 25. mars 2017 millum kl. 2030 og 2130.

Býráðið heitir eisini á borgarar sínar um at vísa virðing fyri klótuni og okkara eftirkomarum við eisini at vera við í átakinum og at sløkkja tey ljós, sum ráðiligt er at sløkkja, leygardagin tann 25. mars 2017 millum kl. 2030 og 2130.

Um tú veitst okkurt, sum VP ikki veit - skriva so til vp@vp.fo