Í morgin verður frískur vindur ímillum vestan og útsynning men turt fyri tað mesta og eisini onkur løta við sól. Hitin 7-9 stig.
Týsdagin hvassur vindur av útsynningi, seinni vestri, samdrigið og ælaveður men eisini onkrir sólglottar, hitin ímillum 6 og 10 stig.
Mikudagin verður ælaveður allan dagin, hvassur vindur ella skrið av útnyrðingi, hitin um 6 stig.
Hósdagin makar hann sum frálíður vindin eitt skifti, men ímóti kvøldi aftur upp í ein strúk av útsynningi, turt og hitin 6-9 stig.
Fríggjadagin strúkur í vindi av útsynningi, okkurt æli mitt á degnum, annars turt og onkrir sólglottar og hitin 7-9 stig.
Næsta vikuskifti verður sum vikan, nógvur vindur av vesturættum, okkurt æli men eisini løtur við sól og hitin um 6 stig alt vikuskiftið.
Um tú veitst okkurt, sum VP ikki veit - skriva so til vp@vp.fo
