WHO-doktarin David Nabarro ávarar um at vit framvegis eru í byrjanini av alheimsfarsóttini.
The Guardian skrivar at serfrøðingurin luttók á fundi í dag í uttanríkisnevndini í Bretlandi.
- Hetta er nógv verri enn øll science fiction um alheimsfarsóttir. Hetta er sera álvarsamt, og vit eru ikki enn komin hálva leið. Vit eru framvegis í byrjanini, segði Nabarro undir fundinum sambært norska Dagbladet.
- Vit byrja nú at síggja hvønn skaða hetta hevur gjørt í heiminum, men tað verður verri tá ið vit fara inn í serligu fasuna í Europa, tá ið alt kemur aftur, segði hann.
Serfrøðingurin umtalaði núverandi støðu sum bæði «ræðuliga», «groteska» og «snópisliga», sambært bretsku avísini.
Um tú veitst okkurt, sum VP ikki veit - skriva so til vp@vp.fo