Eitt av fyribils úrslitunum á verðurlagsráðstevnuni í Glasgow er, at yvir 40 lond hava gjørt avtalu um at gevast við at brúka kol áðrenn 2040.
Fleiri av luttakarunum á ráðstevnuni, eitt nú bretski orkumálaráðharrin, Kwasi Kwarteng, tosa um ein varða á vegnum. Men tey atfinningarsomu siga, at skotbráið er alt ov langt. Eisini er tað ein stórur trupulleiki, at tey londini sum dálka mest, eitt nú Kina, USA, India og Australia, ikki eru partur av avtaluni.
Aljóða Orkustovnurin IEA, segði í mai, at allar íløgur í nýggjar verkætlanir innan olju, kol og gass eiga at halda uppat, um heimurin áðrenn 2050 skal hava eitt netto nulútlát av vakstrarhúsgassum.
Um tú veitst okkurt, sum VP ikki veit - skriva so til vp@vp.fo
