Ukrainski forsetin Volodymyr Zelenskyj er komin til Niðurlond, har hann skal hitta forsætisráðharran Mark Rutte á eini hernaðarligari flogstøð í Eindhoven.
Í gjár var hann í Svøríki og tað frættist sum leysatíðindi, at hann kanska eisini fer til Danmarkar, har Mette Frederiksen, forsætisráðharri, Jakob Ellemann-Jensen, verjumálaráðharri og Lars Løkke Rasmussen, uttanríkisráðharri skulu hittast í Skydstrup støðini klokkan 2 okkara tíð. Nógv løgregla er á staðnum, skriva danskir miðlar, sum gita, at Zelenskyj eisini verður við á fundinum.
Volodymyr Zelenskyj er á rundferð í Europa og fær í lag stuðul til at verja Ukraina ímóti álopunum úr Russlandi.
Um tú veitst okkurt, sum VP ikki veit - skriva so til vp@vp.fo