29 fólk hava latið lív, og 44 eru ikki komin afturíaftur eftir eitt russiskt álop har eysturi í Ukraina.
Ein russisk rakett rakti ein íbúðarbygning í býnum Dnipro í gjár, og í allan dag hevur verið arbeitt við at bjarga fólki úr húsaleivdunum.
Umframt tey mongu deyðu eru á leið 70 fólk særd. Harav eru 10 av teimum álvarsliga særd, skrivar BBC.
Borgarstjórin í Dnipro, Borys Filatov sigur, at tað er lítil vón fyri at finna fleiri á lívi.
Sambært Kyiv Independent er talið á teimum deyðu eftir álopið í gjár 30. 75 eru særd, og minst eitt barn hevur latið lív, skrivar miðilin.
Sambært Dnipro City Council var ein 15-ára gomul genta ímillum tey, sum lótu lív.
Russar bumbaðu ikki bara Dnipro í gjár. Eisini í Kyiv, Kharkiv and Odesa regnaðu russiskar rakettir niður í gjár, upplýsa altjóða miðlar.
Um tú veitst okkurt, sum VP ikki veit - skriva so til vp@vp.fo