Ikki færri enn 18.426 umsóknir um at fáa hjálp til mat og gávur á jólum komu inn til Bláa Kross í Danmark í ár. Tað er ein vøkstur uppá 52% í mun til í fjør.
Hjálpin er eitt gávukort uppá 500 krónur sum kann brúkast í handlinum Lidl og eitt gávukort uppá 200 kr sum kann brúkast í endurnýtsluhandlunum hjá Bláa Krossi.
Rætt til hjálp hava tey sum hava heimabúgvandi børn undir 18 ár, og staturin fíggjar ein stóran part av hjálpini. Men av tí at vøksturin í umsóknum er so stórur í ár er vandi fyri, at nógv fara at fáa noktandi svar.
Herfyri sendu Blái Krossur, Reyði Krossur, Mammuhjálpin, Dansk Folkehjælp og Frelsunarherurin eina felags áheitan til politikararnar um at seta meira av til jólahjálp.
Um tú veitst okkurt, sum VP ikki veit - skriva so til vp@vp.fo
