Hagstovan: Í januar vórðu góðar 940 milliónir útgoldnar í lønum. Tað eru 72 milliónir meira enn sama mánað í fjør. Hetta er ein vøkstur á 8,3 prosent.
Vøksturin í lønargjaldingum hevur verið rættiliga javnur síðani á heysti 2020.
Løntakarar búsitandi uttanlands áttu slakar 25 milliónir
Niðanfyri síggjast lønargjaldingarnar til løntakarar, sum búgva uttanlands. Í januar var talið á 24,6 milliónum ella 2,6 prosent av lønargjaldingunum.
Lønargjaldingarnar til fólk búsitandi uttanlands vóru góðar 20 milliónir ella 46 prosent lægri í januar í mun til desember. Av hesum muninum áttu menn nítjan milliónir. Borið saman við januar í fjør er vøksturin 1,2 milliónir krónir ella 5 prosent.
Um tú veitst okkurt, sum VP ikki veit - skriva so til vp@vp.fo
