Sergei Surovikin generalur er handtikin, siga fleiri keldur til óheftu russisku avísina Moscow Times.
Persónarnir hava tætt samband við russiska verjumálaráðið, sambært avísini.
New York Times hevur tosað við keldur sum halda at generalurin visti um ætlanirnar hjá Wagner-leiðaranum Jevgenij Prigozjin.
Tað hevur verið gitt at fleiri persónar hava stuðlað Prigozjin í at bjóða russisku hernaðarleiðsluni av.
Bæði fyrrverandi og núverandi embætismenn halda, at Wagner-leiðarin hevði ikki byrjað uppreisturin hevði hann ikki verið sannførdur um at aðrir persónar høgt uppi fóru at stuðla honum.
Um tú veitst okkurt, sum VP ikki veit - skriva so til vp@vp.fo