Kursurin á partabrævinum hjá Bakkafrost er hækkaður smá 4 prosentstig í morgun. Hann liggur í skrivandi løtu á 624 norskum krónum, sum er 22 krónur meira enn tá marknaðurin lat upp í morgun.
Bakkafrost kunngerð í morgun, at tilsamans vórðu í fjør 50,7 túsund tons tikin í Føroyum og 35 túsund tons í Skotlandi Talan er um kruvdan fisk við høvdi. Í fjórða ársfjórðingi í fjør vórðu 16 tons kruvd í Føroyum og 9,3 tons í Skotlandi.
Havsbrún seldi 30,9 túsund tons í fjórða ársfjórðingi í fjør. Havsbrún keypti 73,9 túsund tons av ráfiski.
Endaliga frágreiðingin hjá Bakkafrost fyri fjórða ársfjórðing er klár 23. februar, upplýsir Bakkafrost í børsfráboðan.
Um tú veitst okkurt, sum VP ikki veit - skriva so til vp@vp.fo