Sunnudagin 18. desembur kl. 11 verður barnagudstænasta á Argjum.
Hetta er samstundis dagurin, har sunnudagsskúlin hevur sína jólaveitslu, og tí verður hetta ein serstøk gudstænasta.
Prestur verður Derhard Jógvanson, og hann fer at hava gudstænastuna í einum barnavinarligum vinkli.
Sunnudagsskúlabørnini ganga Luciagongd, og í tí sambandi verður heitt á øll børnini um at møta í seinasta lagi kl. 10.40 at gera seg kláran.
Kvinnubólkurin Tabitha, sum er mannaður við kvinnum av Argjum, syngur eisini.
Eftir gudstænastuna eru øll vælkomin til ein døgurða. Jólaveitslan heldur á eftir døgurðan við ymsum á skránni til gaman og álvara, og okkurt gott verður heilt víst til børnini at fáa.
Um tú veitst okkurt, sum VP ikki veit - skriva so til vp@vp.fo
