Onnur tíðindi
Ísraelski herurin hevur nú fult tamarhald á størsta sjúkrahúsinum í Gaza, al-Shifa, eftir at herurin leyp á sjúkrahúsið á midnátt okkara tíð. Tað skrivar BBC.
Ein tíðindamaður sigur, at ongir bardagar eru inni á sjúkrahúsinum og, ísraelskir hermenn ganga frá rúmi til rúm og avhoyra sjúklingar og starvsfólk.
Ísraelskir læknar og sjúkrasystrar eru við ísraelska herinum. Tey hava eisini útgerð og kuvøsur við sær til sjúklingarnar á sjúkrahúsinum. Eisini eru arabiskir tulkar við.
Leitað verður eftir gíslunum, sum Hamas tók í Ísrael 7. oktobur, og leitað verður eisini eftir tunlunum undir sjúkrahúsinum.
Um tú veitst okkurt, sum VP ikki veit - skriva so til vp@vp.fo
