- Viðhvørt kemur man til ein krossveg í lívinum, har man má velja hvønn veg leiðin framá skal bera. Við ein slíkan krossveg eri eg í dag. Í 10 ár havi eg umboðað Fólkaflokkin í Sandoynni. Soleiðis verður ikki framyvir. Eg havi í dag boðað flokkinum frá, at strika meg sum lim í flokkinum.
Hetta skrivar Brandur Sandoy á sínum facebookvanga í dag, og leggur afturat at vegurin, Fólkaflokkurin hevur valt í seinastuni, ikki ber sær til persónliga at fylgja.
- Tí skiljast leiðir í dag, sigur hann.
Stór misnøgd tók seg upp í valfelagnum hjá Fólkaflokkinum í Sandoynni eftir at tað gjørdist greitt, at tað neyvan bleiv Brandur Sandoy sum bleiv nýggjur landsstýrismaður fyri flokkin. Harvið fer hann, eins og Annika Olsen, úr Løgtinginum, tí tey vóru varafólk fyri fyrrverandi landsstýrisfólkini Jacob Vestergaard og Elsebeth Mercedis Gunnleygsdóttur, sum hava valt at koma aftur í tingið.
Les eisini: Sandoyar Fólkafloksfelag: Fer at fáa katastrofalar avleiðingar
Um tú veitst okkurt, sum VP ikki veit - skriva so til vp@vp.fo
