Bústaðir hevði hall á góðar tvær milliónir krónur í fjør. Tað skal samanberast við 190 tkr í vinningi árið framman undan.
Starvsfólkakostnaðirnir vuksu við áleið einari millión og avskrivingar við hálvari aðru. Eisini hækkandi rentan setur síni fingramerki á tølini hjá Bústøðum. Fíggjarligu útreiðslurnar vuksu úr 2,5 mió kr fyrraárið til 2,9 mió kr í fjør. Og tá nettosølan var áleið tann sama, bleiv úrslitið sum tað bleiv.
Fíggjarstøðan javnvigar við 832 mió kr og eginognin er 606 mió kr.
Um tú veitst okkurt, sum VP ikki veit - skriva so til vp@vp.fo