Danska verjan hevur dagført heilsukrøvini til tey, sum skulu gera herskyldu.
Eitt dømi er, at fólk sum eru undir 155 sentimetrar ikki longur av sær sjálvum sleppa undan.
Tað er Danmarks Radio sum hevur fingið hendur á einum innanhýsis skjali úr Verjumálaráðnum, og sambært miðlinum er talan um broytingar so umfatandi, at tað er ikki sæð áður.
Eitt annað sum er broytt er, at ein stórur barmur heldur ikki kann brúkast sum undanførsla eins og "kynslig frávik" heldur ikki longur kunnu brúkast, tá metast skal um, hvørt ein persónur er egnaður at gera herskyldu.
Tey sum eru orðblind og tey sum taka heilivág fyri eitt nú ADHD skulu tó framvegis sleppa undan herskyldu.
Um tú veitst okkurt, sum VP ikki veit - skriva so til vp@vp.fo
