- Hetta vekir óhugnalig minnir frá Seinna Heimsbardaga, tað sigur formaðurin í felagsskapinum hjá jødiskum lesandi í franska høvuðsstaðnum, Samuel Lejoyeux, eftir at súmbolið hjá jødunum, Davidsstjørnan, í seinastuni er málað á fleiri bygningar sum hava tilknýti til jødar.
- Ætlanin er uttan iva at ræða okkum sigur hann við AFP, sambært miðlinum France24.
Onga aðrastaðni í Europa búgva so nógvir jødar sum í Frankaríki. Teir eru yvir 600.000 í tali og í forstaðnum Sarcelles við eyknevninum Lítla Jerusalem nakað uttanfyri París búgva 12.000 jødar saman við upp aftur fleiri muslimum.
Lokalu myndugleikarnir hava styrkt vaktarhaldið við skúlar og handlar, tí teir stúra fyri samanbrestum.
Um tú veitst okkurt, sum VP ikki veit - skriva so til vp@vp.fo