Djóraverndarfelagið: Nú verður skjótt heitari í veðrinum og ikki er leingi til at nógvar kettur fara at ganga á illum aftur, og frensarnir halda seg framat. Tí vilja vit heita á tykkum at fáa ketturnar og frensarnar hjá tykkum geldar í góðari tíð.
Tað kann vera, at tú klárar at tryggja at tínir fimm kettlingar fáa góð heim, men tað merkir bara, at fimm aðrir kettlingar antin enda sum útiløgur, koma til Djóraverndarfelagið ella verða avlívaðir.
Flestu útiløgukettur í Føroyum liva eitt syndarligt lív. Mett verður, at meir enn 90% av øllum kettlingum, sum verða lagdir úti, doyggja av svongd, kulda og sjúku, umframt at ein partur verður tikin av rovdjórum. Tamir ógeldir frensar para seg við útiløgukettum, og tamar ógeldar kettur kunnu villast og byrja at leggja kettlingar úti. Kettueigarir kunnu gera sítt við at gelda sínar leysgangandi kettur.
Um tú veitst okkurt, sum VP ikki veit - skriva so til vp@vp.fo