Onnur tíðindi
Ein 52 ára gamal maður er deyður og sjey onnur eru vorðin illa sjúk eftir vitjan á eini matstovu í týska býnum Weiden.
Tað skrivaði týska løgreglan í gjár, sum arbeiðir út frá, at helst er talan um eitran.
Sambært kanningunum higartil so hava teir átta persónarnir tað til felags, at teir allir hava drukkið av somu fløsku á matstovuni. Og stutt eftir fingu teir allir sjúkueyðkenni sum mintu um eitran.
Gestirnir vóru koyrdir á sjúkrahús tætt við, har so tann 52 ára gamli maðurin doyði í gjárkvøldið, skrivar danska TV 2.
Um tú veitst okkurt, sum VP ikki veit - skriva so til vp@vp.fo
