Nógvur kavi er komin niður seinastu dagarnar, og tað fær nú avleiðingar fyri fótbóltin, sum annars var á skránni komandi vikuskifti - Mynd: Hans Erik Danielsen
Nógvur kavi er komin niður seinastu dagarnar, og tað fær nú avleiðingar fyri fótbóltin, sum annars var á skránni komandi vikuskifti - Mynd: Hans Erik Danielsen
Nógvur kavi er komin niður seinastu dagarnar, og tað fær nú avleiðingar fyri fótbóltin, sum annars var á skránni komandi vikuskifti - Mynd: Hans Erik Danielsen
FSF: Enn einaferð má veðrið sær sjálvum ráða, og soleiðis er sjálvandi aftur hesaferð.
Veðurforsøgnin fyri komandi vikuskifti sær einki serlig út – boðað verður frá kulda og kava – og tað fær nú avleiðingar fyri dystirnar í Betri Deildunum hjá bæði kvinnum og monnum, og í 1. og 2. deild hjá monnum, og í U21, sum annars vóru á skránni um vikuskifti.
Kappingarnevndin hjá Fótbóltssambandi Føroya hevur avgjørt, at dystirnir í 1. umfari í Betri Deildini hjá kvinnum verða útsettir til mikudagin 3. mai, meðan dystirnir í 2. umfari í Betri Deildini hjá monnum verða fluttir til mikudagin 12. apríl.
Harafturat eru umfør og dystir í 1. deild og í 2. deild hjá monnum, og í U21 fluttir orsakað av veðrinum, ið er væntandi næstu dagarnar.
Broyttu leikdagarnir eru dagførdir í leikskráunum á heimasíðuni hjá FSF.
Um tú veitst okkurt, sum VP ikki veit - skriva so til vp@vp.fo
