Fyrrverandi amerikanski forsetin, Jimmy Carter, stúrir fyri fólkaræðinum í USA. Tað sigur hann í New York Times á ársdegnum fyri álopið á Kongressina.
- Nú eitt ár seinni hava fortalarar fyri lygnini um valsvikið yvirtikið ein politiskan flokk og økt um misálitið á okkara valskipan. Tey enda við at venda amerikanarar ímóti hvørjum øðrum, sigur Jimmy Carter, sum nú er 97 ára gamal.
Hann sipar til meiningarkanningar sum vísa, at upp ímóti 70% av republikanarum framvegis halda, at ikki alt fór rætt fram, tá Donald Trump tapti forsetavalið og Joe Biden bleiv forseti.
- Vit mugu seta okkara ymiskleika til viks og arbeiða saman áðrenn tað er ov seint, sigur Jimmy Carter í New York Times.
Um tú veitst okkurt, sum VP ikki veit - skriva so til vp@vp.fo
