Faer Isle, sum er whisky brennarí sum eisini framleiðir eitt nú gin, vodka og akvavit, fer nú undir seinna umfar av kapitaltekning. Tað boðar felagið frá á heimasíðuni.
Tað eru longu 670 íleggjarar úr 23 londum við í felagnum, og pengarnir sum teknast skulu afturat skulu millum annað brúkast til at gera virksemið hjá fyritøkuni so grønt sum tilber.
- Eftir at hava gjørt íløgur fyri góðar 40 milliónir krónur, er virksemið nú komið væl og virðiliga í gongd, og vit framleiða bæði whisky, gin, akvavit og vodka. Nýteknaðu pengarnir skulu millum annað brúkast til at gera fleiri íløgur, sigur whisky brennaríið í Vestmanna.
Faer Isle miðar eftir at tekna 15,4 mió kr í nýggjum partapeningi, og ætlanin er at gjalda út vinningsbýti í 2027, verður sagt.
Um tú veitst okkurt, sum VP ikki veit - skriva so til vp@vp.fo
