Vinna
Fiskamarknaðurin: Einki ísfiskalínuskip er til fiskarí, men væntandi fer okkurt út tá veðrið verður betri. Frystilínuskipini eru øll uttan eitt til fiskarí. Okkurt landar í vikuni, men tey flestu landa væntandi í aðru viku.
Streymurin er góður, men tað verður liggjandi høgætt og við nakað av vindi mestsum alla vikuna, so tað verður ikki nógvur útróður norðanfyri, men helst fer onkur út har ættin er betri. Bátarnir fáa mest av hýsu og so nakað av toski.
Ein djúpvatnstrolari er á svartkalvaveiðu og kemur helst at landa síðst í vikuni. Ein liggur við bryggju.
Fimm pør eru til fiskarí og koma tey flestu at landa í vikuni.
Um tú veitst okkurt, sum VP ikki veit - skriva so til vp@vp.fo
