Á hálvfjerðsinstjúgunda sinni skipar Havnar Hornorkestur fyri flaggdagshaldi á Vaglinum í Havn Flaggdagin 25. apríl kl. 15.
Hendan hátíðardag verður Merkið vundið á stong, og vit minnast, at Merkið tann 25. apríl 1940 varð viðurkent sum tjóðarmerki føroyinga. Siðvenjan við Flaggdagshaldið á Vaglinum hevur verið fastur táttur á hvørjum ári síðani 1947.
Skrúðgongan byrjar kl. 15, har Havnar Hornorkestur og skótarnir í Havn marsjera. Gingið verður úr Kommunuskúlagarðinum oman á Vaglið.
Røðari í ár verður Jóhanna á Bergi, stjóri í Atlantic Airways.
Um at halda flaggdagrøðuna í ár, sigur Jóhanna soleiðis: ”Føroyar er okkara grundarsteinur, og Merkið er okkara felags mynd – tískil er tað mær ein stórur heiður at halda flaggdagsrøðuna í ár.”
Um tú veitst okkurt, sum VP ikki veit - skriva so til vp@vp.fo
