Eitt átak hjá politinum um vikuskiftið avdúkaði, at tað framvegis eru fleiri sum tosa í fartelefon ímeðan tey koyra bil. Og væl at merkja tosa í telefonina ímeðan tey halda hana í hondini og ikki brúka bluetooth skipanina, sum flestu bilar hava í dag.
- Tilsamans fingu 7 bilførarar bót fyri hetta brotið á ferðslulógina, upplýsir vakthavandi á politistøðini. Bótin er 1.000 kr. Klipp verður ikki givið fyri hetta brotið á ferðslulógina.
Annars hevur stórt sæð verið friðarligt hetta vikuskiftið, við teimum undantøkum sum vanliga eru, og sum snúgva seg um brot á skilhaldsreglur, húsaófrið og fólk á skonkistøðum sum ikki duga fólkaskikk, og tí fáa durafjórðingin.
Um tú veitst okkurt, sum VP ikki veit - skriva so til vp@vp.fo