Dysturin hjá kvinnulandsliðnum í hondbólti ímóti Íslandi í dag líktist ikki tí ímóti Svøríki og endaði við vónbroti. Kortini vóru gleðistár tá dysturin var liðugur.
Dysturin endaði 24-20, og hóast málmunurin var tann sami sum ímóti Svøríki, so var úrslitið ikki nøktandi, tí føroysku kvinnurnar komu til nógvar møguleikar, men tóku ikki av.
Orsøkin til, at harmin var avloystur av gleðistárum eftir dystin var, at føroysku kvinnurnar hóast alt kvalifiseraðu seg til at koma víðari til EM. Tær endaðu nummar trý í bólkinum, og av tí at tær høvdu betri úrtøku enn hinir trýararnir, so koma tær víðari.
Endaspælið verður í Sveis, Ungarn og Eysturríki í desembur.
Um tú veitst okkurt, sum VP ikki veit - skriva so til vp@vp.fo