Árliga Fólkaheilsurenningin, sum hevur verið á hvørjum árið síðan 2004, verður leygardagin 3. juni 2017, samstundis sum Tórshavn Marathon. Í tíðindaskrivi siga fyrireikararnir at tiltakið er fyri øll. øll, børn og vaksin, kunnu luttaka – ganga ella renna, alt eftir førimuni.

Fríggjadagin kunnu øll melda seg til í SMS og heinta sítt startnummar og Helsi til hálsin, eisini er møguleiki at melda til í Snarskivuni leygardagin, beint undan tiltakinum. Øll sum luttaka fáa vatn og frukt á máløkinum og startnummarið er lutaseðil til fleiri góðar vinningar.

Fólkaheilsurenningin hevur samlað heilt upp til 2.500 luttakarar, sum helst er heimsmet í mun til fólkatalið, spennandi verður at vita hvussu undirtøkan verður hesuferð, útlit eru til gott veður leygardagin, so hvør veit?

Bragdið hevur á hvørjum ári síðan 2003 skipa fyri slíkum rørslutiltaki har øll kunnu vera við, bæði børn og vaksin og hevur hetta í nógvum føri verið byrjanin hjá fleiri sum í dag renna marathon.

Tað er Fólkaheilsuráðið, saman við Bragdinum, sum skipa fyri tiltakinum og endamálið er at varpa ljós á týdningin av rørslu og stuðla undir einum virknum gerandisdegi.