Tónleikur
Summar Festivalurin kunnger í dag fýra føroysk nøvn afturat, og talan er um veruligar profilar í føroyskum tónleiki seinastu nógvu árini.
Hetta eru sangarar og sangskrivarar, sum samanlagt eiga eina langa røð av sangperlum, sum allir føroyingar – yngri sum eldri – kenna, og teir eru allir sum ein framúr á palli.
Kim Hansen, Sámal Ravnsfjall, Eyðun Nolsøe og Hanus G. Johansen spæla allir á Summar Festivalinum 2016.
Kim, Sámal og Hanus fara at hava framførslur á Torginum, og Eyðun endar festivalin við framførslu í Tjaldinum sunnunáttina kl. 03.00.
Summar Festivalurin verður hildin í døgunum frá 4. til 6. august.
Um tú veitst okkurt, sum VP ikki veit - skriva so til vp@vp.fo
