Fyrrverandi russiski forsetin, Dmitrij Medvedev heldur, at tað er ongin ivi um ætlanirnar hjá hernaðarliga Wagner bólkinum sum fyrr hevur stuðla Vladimir Putin og hansara stýri, men nú hevur vent sær ímóti Moskva.
- Tað er týðuligt, at hetta er ein væl gjøgnumhugsað ætlan at taka valdið í landinum, segði Medvedev við russiskar miðlar í gjár.
Hann legði afturat, at um tað hendir, at kjarnorkuvápnaveldið Russland er fyri nøkrum tílíkum, so er tað sera vandamikið fyri allan heimin.
Dmitrij Medvedev vildi ikki útilokað, at Wagner fær stuðul frá øðrum londum og eisini frá týðandi politikarum og embætisfólkum í Kreml.
Dmitrij Medvedev er næstformaður í russiska trygdarráðnum og hann var forseti í Russlandi árini frá 2008 til 2012.
Um tú veitst okkurt, sum VP ikki veit - skriva so til vp@vp.fo
