Politikkur
Eitt av heilt stóru málunum, sum føroyingar hava kjakast um seinastu árini, fer at seta sín dám á tingfundin í dag.
Tað er Javnaðarflokkurin sum hevur sett fram uppskot til samtyktar viðvíkjandi rættinum hjá føroyingum at ganga í haganum. Málið kemur fyrst fyri á tingfundinum sum byrjar klokkan 11.
Tvey onnur uppskot til samtyktar koma eisini til fyrstu viðgerð á tingfundinum í dag. Annað er um at leggja almennar bygningar um frá olju til varandi orkuskipanir. Hitt er um at játta meirvirðisgjaldið av útlendskum stroymingartænastum til føroyskan film, tónleik, mentan og list.
Um tú veitst okkurt, sum VP ikki veit - skriva so til vp@vp.fo
