Arbeiðið at umvæla svimjihylin í Svínoy er farið í gongd.
Kommunan hevur sett formar upp í einum parti av hylinum, soleiðis, at tað er klárt at stoypa. Nú bíða tey eftir sementi, sum skal koma til oynna, tá Ritan kemur aftur frá beding. Hetta hevur man bíðað eftir í meir enn 3 ár.
Orsøkin til, at arbeiðið er farin í gongd, er, at felagið hevur fingið útoyggjastuðul frá landinum. Upphæddin er 75.000 kr. Tað er ikki nokk til at umvæla allar partar av hylinum, men hetta er ein góð byrjan.
Fyrst verður umvælt har hylurin er ringast farin. Nevndarlimur hevur teknað eina tekning og hevur havt fund við kommunan um, hvussu tað skal gerast.
Um tú veitst okkurt, sum VP ikki veit - skriva so til vp@vp.fo
