BSF: Í fleiri aldursbólkum var spenningur til tað síðsta, tá fimta og seinasta Grand Prix kappingin í badminton bleiv avgreidd á Kambsdali herfyri. Sum kunnugt fáa luttakandi leikarar stig í mun til teirra úrslit í teimum fimm kappingunum, har tann fyrsta var longu í september í 2021 og tann seinasta nú í mars 2022.

Miriam og Rúni ovast hjá teim vaksnu
Longu áðrenn síðstu Grand Prix kappingina var greitt, at Miriam í Grótinum og Rúni Øster, bæði úr HBF, fóru at gerast meistarar hjá teim vaksnu, tá tey høvdu vunnu so nógv stig fyrstu fýra kappingarnar. Kappingin til síðst var soleiðis um silvur og bronsu heiðursmerkini, har Bjarnhild í Buð Justinussen úr KBF vann silvur við at vinna gull í GP5, meðan Sanna Thorkildshøj (HBF) vann bronsu. Hjá monnunum vann Fai Yin Wong (HBF) silvur beint frammanfyri Magnus Dal Christiansen (HBF) á triðja plássinum.

Vaksin, kvinnur
1 HBF Miriam í Grótinum, 200 stig
2 KBF Bjarnhild í Buð Justinussen, 160 stig
3 HBF Sanna Torkildshøj, 130 stig

Vaksin, menn
1 HBF Rúni Øster, 170 stig
2 HBF Fai Yin Wong, 100 stig
3 HBF Magnus Dal Christiansen, 90 stig

Føroyameistaraskapi (FM) fyri vaksin verður í ár tann 12.-14. Mai, har stóri finaludagurin saman við judo og borðtennis verður leygardagin tann 14. Mai 2022.

Ársins stjørnuskot í fjør vunnu í U17
Í U17 aldursbólkinum skaraðu tey bæði ungu stjørnuskotini frá í fjør framúr, tá bæði Ranja Joensen úr KBF og Christian Berg Petersen úr HBF lógu ovast á stigatalvuni eftir fimtu Grand Prix kappingina. Til ársins gallaveitslu í fjør valdi landsliðsvenjarin júst tey bæði út at fáa heiðurin sum ársins stjørnuskot hjá gentum og dreingjum.

Oddbjørg í Buð Justinussen (KBF) og Julianna í Heiðunum (HBF) fóru avstað við silvur og bronsu hjá U17 kvinnunum, og tað var sera tøtt kapping hjá ungu monnunum, har Bjarti Samson Vang (HBF) vann silvur og Asbjørn Heide Olsen (HBF) vann bronsu.

U17, gentur
1 KBF Ranja Joensen 200
2 KBF Oddbjørg í Buð Justinnussen 160
3 HBF Julianna í Heiðunum 120

U17, dreingir
1 HBF Christian Berg Petersen 190
2 HBF Bjarti Samson Vang 180
3 HBF Asbjørn Heide Olsen 130

Endaligu úrslitini av Grand Prix kappingini í yngru aldursbólkunum eru víst niðanfyri.

U-11 Gentur
1 KBF Heidi Jacobsen
2 KBF Gunhild Arge
3 HBF Mirjam Holm

U-11 Dreingir
1 HBF Baldur Poulason
2 HBF Hákun Torkildshøj
3 HBF Boas Rasmussen

U-13 gentur
1 HBF Sarita kvilt
2 HBF Hansina Eysturstún Mouritsen
3 KBF Rannvá Ryan

U-13 Dreingir
1 HBF Beinir Weihe
2 KBF Tóki Næs
3 KBF Jónas Festurstein

U-15 gentur
1 KBF Osla Johannasen
2 HBF Inga Guðrin Samuelsen
3 HBF Naomi Rajani Færø

U-15 Dreingir
1 HBF Markus Bjarnason
2 HBF Tóki Yngvason
3 HBF Kristoffur Samuelsen

Á heimasíðuni hjá BSF er eitt fult yvirlit yvir úrslit og stig í teimum ymsu bólkunum: trýst her

Her er leinkja til Facebook-síðu hjá BSF, har fleiri myndir frá GP5 á Kambsdali: trýst her