Jennifer Lonsdale stovnaði í 1984 saman við øðrum felagsskapin Environmental Investigation Agency (EIA). Í eini grind í Vestmanna árið eftir mundi tað henda á fyrsta sinni nakrantíð, at mótmælisfólk beinleiðs løgdu uppí ein grindarakstur, og royndu at forða fyri, at grindin varð hildin til.
Um tað hendingina hevur felagsskapurin sjálvur gjørt hesa frágreiðingina.
Jennifer Lonsdale hevur fingið Schweitzer heiðurslønina, sum síðani 1951 er latin av amerikanska felagsskapinum Animal Welfare Institute.
Umframt at stríðast ímóti føroyskum grindadrápi hevur Jennifer Lonsdale eisini roynt at fingið normenn, japanarar og russar at gevast við at drepa stórhval, skrivar miðilin Eastern Daily Press.
Um tú veitst okkurt, sum VP ikki veit - skriva so til vp@vp.fo