Spennandi skúlaverkætlanin er nú komin so mikið áleiðis, at klárt er at fara undir jørðarbeiðið. Fyrsti parturin umfatar avgrevstur, sum skal geva betri yvirlit av víðari arbeiði við spronging, grovplanering o.s.fr., ið verður byrjað uppá í summar. Tað er Samtakið Eind, ið projekterar skúlan.
Lægsta tilboðið uppá hendan fyrsta partin av arbeiðinum átti P/F Articon. Kostnaðurin er líka undir 1,3 mió. kr. Málið varð einmælt samtykt í býráðnum hóskvøldið.
Í hesum sambandi verður hátíðarløta úti á Fløtum mánadagin kl. 11.30 í sunnara endanum av Janusargøtu (innkoyring frá Marknagilsvegnum) har øll eru vælkomin. Á skánni eru talur og sangur, og borgarstjórin fer at seta hakan í!
Tilber at lesa nærri um verkætlanina her
Um tú veitst okkurt, sum VP ikki veit - skriva so til vp@vp.fo
