G!: Nú verður hamurin skiftur, klædningarnir eru hongdir í skápið. Hvat fáa vit í staðin frá einum av heimsins bestu dómadagsmálmbólkum? Tú mást fara á G! og uppliva tað!

Ein av heimsins bestu dómadagsmálmbólkum er føroyskur, og 22. mars kemur hann við útgávuni "Men Guðs hond er sterk”. 

Seks ár eru liðin síðani stórverkið "Támsins likam", og tað er tí ikki at taka ov ríkan til, at siga, at dómadags fjepparar í hesum døgum halda ondini í spenningi.

Vit hava upplivað Hamferð á G! fleiri ferðir áður, og hvør ferðin er líka minnilig. 

Í sínum svørtu klædningum og við sínum álvarsama framburði, hava teir megnað at skapa eina kenslu av myrkri, mest álíkum jarðarferðini hjá Mykinesi.

Nú verður hamurin skiftur, klædningarnir eru hongdir í skápið.

Hvat fáa vit í staðin frá einum av heimsins bestu dómadagsmálmbólkum? Tú mást fara á G! og uppliva tað!

Eitt føroyskt navn um dagin legst afturat skránni hjá G! alla hesa vikuna. Føroysk, ið G! hevur kunngjørt higartil eru Einangran, Knút, Eivør og Dania.