Onnur tíðindi
Fólkakirkjan: Landsstýriskvinnan í kirkjumálum, Sirið Stenberg, hevur útnevnt Hanus á Gørðum til embætið sum prestur á Landssjúkrahúsinum og í Varðhaldinum frá 1. mai 2024.
Hanus á Gørðum var saman við Símuni Persson Jacobsen prestvígdur í Hvalbiar kirkju í august 2007. Hans Jacob Joensen, sáli, vígdi teir báðar prestar at vera.
Tað fyrsta árið var Hanus vikarur í Suðurstreymoyar vestara prestagjaldi. Síðani hevur hann verið sóknarprestur í Norðoya vestara prestagjaldi.
Tað verður Uni Næs, dómpróstur, ið skipar Hanus á Gørðum í embætið einaferð í mai mánaði við eina gudstænastu í Vesturkirkjuni.
Um tú veitst okkurt, sum VP ikki veit - skriva so til vp@vp.fo
