Í nátt fer Joe Biden at selja tað, hann hevur avrikað og royna at sannføra veljaran um at hann skal stilla upp til afturval sum 82 ára gamal.
Men vil veljarin hava hann?
Í eini nýggjari veljarakanning gjørd fyri Washington Post og ABC News, siga 58 prosent av teimum spurdu demokratunum seg vilja hava eitt annað forsetavalevni enn Biden til næsta ár.
Tað siga demokratarnir hóast 78 prosent av teimum í somu kanning halda at forsetin ger eitt gott arbeiði.
Ein stórur meiriluta av demokratunum ynskir sostatt eitt annað forsetavalevni enn Joe Biden á valinum í 2024, skrivar NRK.
Um tú veitst okkurt, sum VP ikki veit - skriva so til vp@vp.fo