Um ein góðan mánaða taka vit eitt stórt stig inn í framtíðina, tí tá letur Sandoyartunnilin upp.
Men fyri Hestsfólk verður tað enn eitt stórt stig aftur í tíðina, tí Strandferðslan setur Jósup í sigling millum Hest og Gomlurætt.
Sum borgarstjóri í Tórshavnar kommunu kann eg als ikki góðtaka, at landsstýrismaðurin í Samferðslumálum, Dennis Holm, letur hestsfólk sigla egnan sjógv.
Strandferðslan hevur lógarásetta skyldu at skipa fyri nøktandi flutningi av ferðafólki, farmi og akførum. Men á Hestsleiðini er alt annað enn nøktandi flutningur.
Minsta kravið má vera, at landsstýrismaðurin gevur fólki í Hesti eina nútímans farleið.
Tí vænti eg, at Dennis Holm, landsstýrismaður, finnur eina loysn, so eisini hestsfólk kunnu taka eitt stig inn í nútíðina.
Heðin Mortensen, borgarstjóri í Tórshavnar kommunu
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
