Beinta Løwe Jacobsen, løgtingsmaður, spyr Jenis av Rana, landsstýrismaður í uttanríkis- og mentamálum, um hjálparpakka til festivalar.
Spurningar:
1. Nær kunnu tónleikafestivalar vænta at fáa hjálparpakka fyri festivalar, sum vórðu avlýstir í summar?
2. Hvat er ætlanin at veita festivalunum endurgjald fyri?
Viðmerkingar:
Fleiri tónleikafestivalar eru aftur í summar avlýstir, tí støðan við koronu hevur verið óviss, og tí tilmælini frá landsstýrinum hava verið, at bara 500 fólk kundu savnast.
Sostatt hava festivalar annað árið á rað mist inntøkur.
Tann 8. juli í ár boðaði løgmaður frá í fjølmiðlunum, at landsstýrið arbeiddi við sama hjálparpakka, sum festivalarnir fingu í fjør, og at hesin møguliga skuldi kunngerast sama dag. Síðani hevur einki verið at frætt um hetta mál.
Tí verða hesir fyrispurningar settir.
Á Løgtingi, 4. august 2021
Beinta Løwe Jacobsen
Um tú veitst okkurt, sum VP ikki veit - skriva so til vp@vp.fo
