Altjóða Valutagrunnurin (IMF) væntar minni vøkstur í heimsbúskapinum í árunum sum koma, sum helst fer at geva økt fátækradømi og størri neyð.
IMF-stjórin, Kristalina Georgieva, heldur, at gongdin fer at standa við, og sigur at útlitini eru tey vánaligastu í yvir 30 ár, skrivar Financial Times.
Í miðal væntar Georgieva at heimsbúskapurin veksur við um 3 prosentum árliga tey næstu fimm árini. Tað er nakað minni enn miðalprosentið á 3,8 seinastu 20 árini og er veikasta metingin síðani 1990-ini, skrivar avísin sambært NRK.
Um tú veitst okkurt, sum VP ikki veit - skriva so til vp@vp.fo