2023 verður árið, har tann fimti Indiana Jones-filmurin verður frumsýndur.
"Indiana Jones and the Dial of Destiny" kemur eftir ætlan í biografarnar tann 30. juni.
Harrison Ford, høvuðsleikarin, er eftirhondini vorðin 80 ár, og tað eru fimtan ár síðan seinasta filmin í røðini.
Ein annar "blockbustari" í ár er nýggjasti Mission: Impossible-filmurin, sum verður frumsýndur tann 14. juli.
Filmurin eitur "Mission: Impossible – Dead Reckoning Part One", og hetta er tann sjeyndi filmurin í røðini.
Filmurin hjá Tom Cruise og co. skuldi verið komin fyri tveimum árum síðani, men koronafarsóttin hevur útsett filmin.
Av øðrum filmum, sum koma í ár, kunnu nevnast:
- "Cocaine Bear" við Keri Russell, O'Shea Jackson Jr, Alden Ehrenreich og Ray Liotta (24. februar)
- "The Little Mermaid" við m.ø. Javier Bardem og Melissa McCarthy (26. mai)
- "Barbie" við Ryan Gosling og Margot Robbie (21. juli)
- "Oppenheimer", ein Christopher Nolan-filmur (21. juli)
Sí topp 20 listan hjá bbc.com yvir filmar, sum eru verdir at síggja í 2023 her
Um tú veitst okkurt, sum VP ikki veit - skriva so til vp@vp.fo