Latin er upp ein trygg rýmingarleið til tey, sum framvegis eru inni í Gaza. Rýmingarleiðin er opin til klokkan 13 lokala tíð sum er klokkan 11 okkara tíð, hevur ísraelski herurin boðað frá í morgun.
Lagt verður afturat, at øll sum vilja familju síni væl eiga at rýma alt fyri eitt.
- Vit eru í kríggi við Hamas, ikki við vanliga fólkið í Gaza, sigur ísraelski herurin millum annað í videobrotum sum fleiri ferðir seinasta samdøgrið er sent íbúgvunum í Gaza.
Ísraelski herurin ger seg til reiðar at leypa á Gaza, fyri at útrudda Hamas sum síðsta leygardag framdi eina ógvusliga yvirgangsatsókn inni í Ísrael sum kostaði nógvum 100 ísraelum lívið. Síðani tá hevur mannfallið verið stórt á báðum síðum. Talið á deyðum, bæði sivilfólki og herfólki, í Ísrael er farið væl uppum 1.000. Óváttað tøl frá palestinskum keldum siga, at nógv 100 børn og kvinnur eru deyð síðstu nátt av ísraelskum rakettum sum verða skotnar inn í Gaza.
Um tú veitst okkurt, sum VP ikki veit - skriva so til vp@vp.fo
