Árligi jólakalendarin hjá Kongshúsinum fer í ár eisini at vera úr Føroyum og Grønlandi.
Margretha drotning sendir eina nissugentu til Føroya og Grønlands at leita eftir systrum sínum, sum hava verið horvnar síðani Christian X kongur og Alexandrina drotning vitjaðu ríkispartarnar í 1921. Tvær nissugentur, sum vóru við á ferðini fyri skjótt 100 árum síðani, hvurvu á ferðini, og hava ikki verið sæddar síðani, er søgan í stuttum.
Jólasiðir, mýtur og sagnir úr Føroyum og Grønlandi verða flættað inn í søguna, sum verður á bæði føroyskum, donskum og grønlendskum, lovar Kongshúsið.
Tað ber til at fylgja við á heimasíðuni hjá Kongshúsinum, og nýggjur partur verður lagdur út hvønn morgun klokkan 8.30 okkara tíð.
Um tú veitst okkurt, sum VP ikki veit - skriva so til vp@vp.fo
