Tiltøk
"Nú eru Jól" er heitið á ókeypis jólakonsert, sum verður í Skúlanum við Løgmannabreyt komandi leygarkvøld, 15. desember, kl. 19.
Fyriskipararnir heita herundir á fólk um at koma og uppliva, hvat jólini snúgva seg um.
Talan verður um ein tónleikaferð ígjøgnum jólaevangeliið.
Nógvir ymiskir solistar verða at hoyra - umframt manskór, barnakór og húsorkestrið.
Konsertin er sera viðkomandi og hóskar til allar aldursbólkar, siga fyriskipararnir.
Dyrnar lata upp kl 18, og verður kaffi/te og okkurt afturvið at fáa.
Um tú veitst okkurt, sum VP ikki veit - skriva so til vp@vp.fo
